5-Day Abs

Nung nagsimula ako mag gym a couple of years ago, bumili ako ng isang cd na ang pangalan ay 5-Day Abs. Matindi ang aking pagnanais noon na paliitin ang aking napakalaking tyan. Sa sobrang laki eh nagmumukha na akong butete.

Nang pinanuod ko ang cd ay bumungad sa akin ang fitness instructor na si Tracy James. At kabisado ko na nga ang kanyang intro spiel, "2/3 of men and 1/3 of women, say that their stomach is their worst body part."

Nag agree naman ako sa sinabi nya. Kasi at that time, kadiri talaga itsura ko kaya di ko trip mag hubad ng sando o tshirt pag nasa beach. My tummy was my worst body part!

The concept was, merong ab exercise per day for 5 days. 5 to 8 minutes lang kaya napakadaling sundan. Pero nang sinubukan ko na ay sobrang hirap at sakit pala. Napapasigaw ako sa sakit! Pero nang lumaon ay nasanay na ako. Day 3 ang pinakamahirap at talagang matetest ang stamina at flexibility. Hanggang ngayong, hirap pa din ako sa Day 3.

Anway, ilang taon ko ding kinalimutan ang cd nato dahil nakakapag gym naman ako ng matino sa FF at lumabas na din ang aking pandesal. Pero dahil sa di na ako masyadong fit ngayon at sumusikip na ang aking pantalon, kelangan ko na namang gamitin ang cd. Kelangan ko na namang makita si Tracy James.

Ang promise niya ay may visible result daw in 10 days. I'm on my 4th day now kaya inaabangan ko ang 10th day kung saan maglalabasan daw muli ang abs. Sana pag-uwi ko sa Pinas, meron na akong ilalakong pandesal sa taong pipol! Sila na lang maglagay ng margarine, butter o kaya'y keso! Hihihi