Mga Batang Batibot

Naalala mo pa sina Pong Pagong, Kiko Matsing, Manang Bola, Ningning, Gingging, Kuya Bodjie at Ate Siena?

Sila ang mga karakter na nakasama ko sa paglaki. Sila ang mga tauhan sa napakasikat na palabas pambata na Batibot.

Wala nang palabas na pumantay sa Batibot simula nang ito'y magsimula at nagwakas. Sadyang kay lungkot lang nang binawi ng Children's Television Workshop sa Estados Unidos ang karakter na sina Pong Pagong at Kiko Matsing.

Bagaman pinalitan ang dalawa ng ibang puppet ay hindi ito naging sapat upang punuan ang kawalan na naramdaman ng mga batang Batibot na tulad ko. Hanggang sa naglaho na lamang sa ere ang pinakamagaling na palabas pambata na nalikha sa Pilipinas.

Minsan, ang sarap tanawin ang nakaraan. Ang sarap muling maging bata. Ang sarap muling maging inosente...

Sabay-sabay nating awitin ang awiting ating kinalakhan:

Pagmulat ng mata,
Langit nakatawa
Sa batibot,
Sa batibot
Tayo nang magpunta
Tuklasin sa batibot
Ang tuwa, ang saya

Doon sa batibot
Tayo na, tayo na
Mga bata sa batibot
Maliksi, masigla. (2x)

Dali, sundan natin
Ang ngiti ng araw
Doon sa batibot (2x)

Tayo nang magpunta
Tuklasin sa batibot
Ang tuwa, ang saya

Doon sa batibot
Tayo na, tayo na
Mga bata sa batibot
Maliksi, masigla. (2x)